ANTIQUE — Nagpatuman sang border control ang probinsya sang Antique sugod subong nga Agosto 1 tubtob 15.

Ini ang ginkumpirmar ni Antique Governor Rhodora Cadiao.

Suno kay Cadiao, nadesisyunan sa meeting sang ila provincial COVID-19 Task Force ang pagpatuman sang border control sa probinsya sang Iloilo kag bangud sa kahangawa nga pagtaas sang COVID -19 cases ilabe na ang na-record nga COVID-19 Delta variant.

Magapahamtang man suno kay Cadiao sang municipal border control sa kada banwa agud ma-limitahan ang hulag sang mga tawo nga nagaguwa sa ila tagsa ka pamalay.

Gin-athag ni Cadiao nga wala sang igapatuman nga requirements sa nagalabay sa mga municipal border control checkpoints.

Ang Antique ginpaidalom sang Inter-Agengy Task Force (IATF) sa General Community Quarantine (GCQ) status humalin Agosto 1 tubtob 15. — via Aksyon Mario Gelongo

By Jo Gelloagan-Maque

Aksyon Radyo-Iloilo is located at Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply