ILOILO CITY — Mga fully vaccinated lang batok sa COVID-19 ang makasulod sa Iloilo City Hall sa sulod sang isa ka semana nga masugod bwas, Agosto 2.

Ini ang ginpahibalo ni Mayor Jerry Treñas paagi sa iya Facebook post.

Suno kay Treñas, “For the whole week starting Monday (August 2), only fully vaccinated persons will be allowed to enter city hall.”

Katuyuan lang sini, suno sa alkalde, nga mahagan-hagan ang posibilidad nga infections bangud sa pamahog sang Delta COVID-19 variant.

Kinahanglan nga dal-on ang vaccination card sa tiun nga magpadulong sa city hall.

Dapat man suno kay Treñas nga mahangpan sang tanan nga “City Hall is an enclosed building. While there are windows that are opened, not all offices have one.”

Para lang ini sa proteksyon sang workers kag visitors, dugang pa niya.

Ginpahanumdom man sang alkalde ang mga Ilonggos nga wala gid ginapasugtan ang mass gatherings. —via Jerry Treñas FB Page

By Jo Gelloagan-Maque

Aksyon Radyo-Iloilo is located at Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply