ILOILO — Napasakaan na sang kaso ang isa sa mga suspect nga naghold-up sa empleyado sang J&T Express sa Brgy. Rumbang, Pototan sang Hulyo 29 sang aga sa diin 1.7 million pesos nga cash ang nataban sang mga holdaper.

Kaso nga robbery with threat ang ginpasaka sang Pototan police batok kay alyas Prince, 32-anyos sang Brgy. Carmelo, Banate nga nagsurrender sa kapulisan.

Una diri, nanginwala si alyas Prince nga nakaupod siya sa natabu nga hold-up.

Nag-surrender sa police si alyas Prince para klaruhon ang iya pangalan.

Suno kay Prince, yara siya sa ila balay sang oras nga natabu ang hold-up. — via AM Reports

By Jo Gelloagan-Maque

Aksyon Radyo-Iloilo is located at Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply