ILOILO – Gilayon nga ginmanduan ang Chief of Hospital sang Barotac Viejo District Hospital nga imbestigaran ang pagpamalibad sang personnel nga hatagan sang first aid ang pasyente nga gindala sang Banate police officer sa ospital.

Suno kay Provincial Administrator Atty. Suzette Mamon, “Immediately an instruction was made for the Chief of Hospital of Barotac Viejo District Hospital to conduct the necessary investigation at their level.”

Dapat mahibaluan suno sa iya kun ano gid ang natabo kag i-check ang status sang mga personnel nga naka-duty sa tiun nga nagluntad ang insidente.

Ginpahayag pa ni Mamon nga dapat mag-generate gilayon sang incident report agud ma-assess kag matan-aw kun nagakinahanglan sang dugang nga imbestigasyon sang Provincial Legal Office. Gin-require niya nga masumiter na bwas, Agosto 4, ang incident report.

Ginkumpirmar suno sa iya sang Barotac Viejo District Hospital nga didto gid man sa ila natabo nga insidente.

“All hospitals [sa probinsiya] naton of course kun may mag-abot nga pasyente there should be the proper assessment, tan-awon – that is the procedure kay may doctor na da sa emergency room, may nurses na da galing kay sa nahambal ko na, depende siguro kun damo ang nagsulod ukon may pasyente nga ara man gina-atendir. But then ofcourse you cannot refuse giving the services,” ginpaathag ni Mamon. — via Aksyon Firingline

By Jo Gelloagan-Maque

Aksyon Radyo-Iloilo is located at Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply