ILOILO — Ginbalibaran sang personnel sang Governor Niel Tupas Sr. Memorial District Hospital sa Barotac Viejo nga hatagan sang first aid ang lalaki nga napilasan sa tangkugo matapos nalampusan sa kinagamo sa Banate public market sang Agosto 2.//

 Suno kay Police Master Sergeant Hizhrone Baterbonia, imbestigador sang Banate Municipal Police Station, ginrason sang personnel nga wala sila nagabaton sang nagapakurasyon ukon nagahatag sang first aid bangud contractual lang ang ila mga doktor. 

Ginpahayag niya nga indi magtandog ang nurse on-duty sa pilas sang pasyente sa kahadlok nga sila naman ang ma-akigan.

Bangud sini, nagdesisyon ang mga pulis nga dal-un ang pasyente sa Banate Municipal Health Office agud mahatagan sang first aid.        

Plano naman sang Banate police nga ipalab-ut sa natungdan nga ahensya sang gobyerno ang na-eksperyensya nila sa Barotac Viejo District Hospital. — via BBB

By Jo Gelloagan-Maque

Aksyon Radyo-Iloilo is located at Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply