Public official sang Sta. Barbara nga dapat naka-home quarantine, nagtambong sa session sang Sangguniang Bayan

ILOILO — Nagkaproblema ang session sang Sangguniang Bayan sang Sta. Barbara kaina, Agosto 18 matapos nagtambong si ex-officio SB Member Larry Deatras, bisan pa nga dapat naka-home quarantine siya.

Bangud sini ginkwestiyon sang pila ka mga miembro sang Sanguniang Bayan ang pag-attend ni Deatras sa session.

Ginkumpirmar ni Sta. Barbara Municipal Administrator Atty. Leo Superio nga ika-10 pa lang ka adlaw ni Deatras sa iya nga pag-quarantine.

Ginpahayag ni Superio nga naka-close contact ni Deatras ang isa nila ka barangay kagawad nga nagpositibo sa COVID-19.

Nagpamalibad siya nga magpa-swab bangud ginpahayag niya nga wala man siya sang sintomas nga nabatyagan kag fully vaccinated naman siya.

Dugang pa ni Superio nga naghambal man si Deatras nga ma-home quarantine lang siya. Sa pihak sini, nadayon gihapon ang session pero wala na ginpatambong si Deatras.

Nakadepende naman sa contact tracing team kun ano ang matabo sa mga meimbro sang Sanggiang Bayan nga yara sa session kahapon.

Wala pa man sang suhestiyon suno kay Superio nga dapat sila mag-quarantine.

Dugang niya handa man sila nga magsunod sa mangin desisyon sang contact tracing team.

Ginalantaw pa subong sang banwa kun mahatag sila sang sanction kay Deatras bangud sang pag-violate niya sa quarantine protocol.

Gintinguhaan man sang Aksyon Radyo Iloilo nga kuhaan sang pahayag si Deatras pero nagpabalibad siya nga maghatag sang statement.

About Post Author

jomaque

Aksyon Radyo Iloilo is the No. 1 station in both AM and FM bands in Iloilo based on April 2023 Kantar Media Survey.

jomaque@aksyonradyoiloilo.com.ph

https://www.aksyonradyoiloilo.com.ph

Happy

0 0 %

Sad

0 0 %

Excited

0 0 %

Sleepy

0 0 %

Angry

0 0 %

Surprise

0 0 %