IATF, plano nga dulaon ang quarantine classifications sa pungsod; Pagpatuman sang granular lockdown, itugyan sa mga LGUs — Iloilo City Mayor Jerry Treñas

ILOILO CITY – – Wala sang bag-uhon ang Iloilo City Government sa ginapatuman nga restrictions kasunod nga ginapalawig ang pagpatuman sang Modified Enhanced Community Quarantine tubtob Setyembre 7.

Ini suno kay Mayor Jerry Treñas. Suno kay Treñas, ginpahibalo siya ni DILG Undersecretary Epimaco Densing III nga ginaplunahan sang national government nga itugyan na sa mga LGUs ang pagdesisyon kag dulaon ang quarantine classifications kundi magapatuman na lang sang granular lockdown pagkatapos sang Setyembre 7.

Pahibaluon niya suno sa iya, ang IATF nga handa gid ang siyudad nga magsunod sini.

Ginpahayag sang alkalde nga indi paggulpihon ang pagpanghalog sa restrictions sang siyudad bangud nagadamo pa ang kaso sang COVID-19.

Sapulon sang alkalde ang Iloilo City COVID-19 team agud mapreparahan ini.

Ginpahayag pa ni Treñas nga pabaskugon pa sang siyudad ang RT-PCR testing agud makita ang mga positive cases.

Magluwas diri, pasangkaron man ang vaccination batok sa COVID-19 agud mahatagan sang dugang nga proteksyon ang mga pumuluyo. — via Aksyon Firingline