Lalaki, nasapwan patay kag may pilas sang pagkatiro sa Estancia
Read Time:1 Minute, 4 Second
ILOILO – Patay na sang nasapwan kag may pilas sang pagkatiro si Brian Alconga, 36-anyos, sa Purok 3, Brgy. Lonoy, Estancia kaina ang aga.
Suno kay PLT Joebert Amado sang Estancia MPS, natukiban si Alconga sa sala sang balay nga iya ginateniran kag may pilas sa sag-ang.
May nakita nga empty shell sang wala pa matumod nga pusil sa guwa sang balay. Isahanon lang sa balay si Alconga bangud yara sa luwas sang pungsod ang iya live-in partner, samtang nagatenir ang iya mga bata sa iya ugangan nga malapit man sa balay sang biktima.
Sa inisyal nga pagpangusisa sang police, may nabatian nga lupok mga las-nueve kagab-i, pero kaina lang sang aga nasapwan si Alconga.
Person of interest, suno kay PLT Amado, ang kaupod kun kaisa ni Alconga sa balay nga himata sang iya live-in partner pero indi na makita sa barangay.
Suno naman sa utod sang biktima, wala man siya sang nahibaluan nga kontra ang iya manghod. Pero sang Biernes, Setyembre 3, nagpanugid sa iya ang biktima nga may sungguranay sila sang pakaisa sang iya live-in partner.
Ang pakaisa ang nagakadto kun kaisa sa balay ni Alconga, suno sa iya utod. Gina-imbestigaran sang Estancia police ang motibo sa pagpatay sa biktima. — via ARI correspondent Jerry Medina
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0
More Stories
Ilonggo ginkilala nga Youngest Million Dollar Round Table Life member sa bilog nga Asya
Ginkilala sang Million Dollar Round Table (MDRT) nga pinakabata nga life member nila sa Asya ang Ilonggo nga si Neil...
Masobra P400K nga balor sang illegal drugs na-recover sa drug buy bust operation sa City Proper
ILOILO CITY -- Na-recover ang P476,000 nga balor sang illegal drugs sa gin-conduct nga drug buy operation sa Muelley Loney,...
P25 million nga balor sang suspected shabu na-recover sa drug bust operation sa Arevalo
ILOILO CITY -- Naglab-ut sa P2.5 million nga balor sang suspected shabu ang na-recover sang Regional Police Drug Enforcement Unit...
[WARNING: SENSITIVE] Traffic aide patay sa aksidente sa Muelle Loney
ILOILO CITY — Patay ang traffic aide sang Public Safety and Transportation Management Office (PSTMO) sang na-aksidente ang ginasakyan nga...
Aksyon Night Patrol | September 23, 2023
https://www.youtube.com/watch?v=QQQA0z63ZvY with Aksyon Marvin Malificiar
Average Rating