ILOILO – All set na ang Department of Education (DepEd) Division of Iloilo sa pagbukas sang klase para sa School Year 2021-2022 bwas, Setyembre 13.

Suno kay Mr. Leonil Salvilla, Public Information Officer sang DepEd Iloilo may hiwaton nga virtual school opening program nga pangunahan sang DepEd Central Office. Ginganyat ni Salvilla ang mga estudyante, manunudlo kag mga stakeholders nga maglantaw sa programa.

As of September 11 nga data, 81% sang target enrollees ang ila na-record sa pribado kag pampubliko nga eskwelahan kag nagalaum nga malab-ut ang target nga numero sa una nga semana sang pagsugod sang klase.

Naglab-ut sa 473,000 ang ila enrollees sa mga public schools sang nagligad nga school year samtang subong, yara pa lang sa 385,000 rason nga ginakampanya sa mga ginikanan nga ipa-enroll ang ila mga kabataan.

Ginpahanumdom ni Salvilla nga tubtob Setyembre 13 ang enrollment pero mahimo sila sang adjustments agud ma-cater ang mga late enrollees.

Ginhaylo niya ang mga ginikanan nga ipa-enroll ang estudyante paagi sa pag-text ukon pag-tawag sa ila anay adviser kag may online enrollment man. Pwede man sila makapangayu sang Modified Learners Enrollment and Survey form sa barangay ukon eskwelahan kag i-fill out lang kag isumiter sa eskwelahan ukon focal person sang eskwelahan.

Ginkumpirmar man ni Salvilla nga may mga eskwelahan na nga nagsugod panagtag sang modules sa ila mga estudyante.

By Jo Gelloagan-Maque

Aksyon Radyo-Iloilo is located at Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply