SAN RAFAEL, ILOILO – Patay ang driver sang motorsiklo matapos nakabunggo sa kasugata nga awto sa kurbada nga bahin sang Brgy. Aripdip kahapon sang hapon, Setyembre 12.

Ginkilala ang driver base sa iya nga driver’s license kay Mark Angelo Jorge Hoyvia sang Estancia, Iloilo.

Suno kay SB Member Noy Baylon, nga isa sa mga nagdala sa pasyente sa ospital, may pilas sa ilong kag sa ubud-uburan Hoyvia, kag wala gid natabangan.

Ginpahayag ni SB Member Baylon nga naghalin ang mga kaupdanan ni Hoyvia sang ginkarga ang pasyente sa ambulansiya kabangdanan nga siya na lang ang nag-upod pakadto sa ospital.

Ginkilala naman ni Police Lt. Gener Buena sang San Rafael Police, ang driver sang awto kay Romar Silva.

Wala sang na-agum nga pilas si Silva suno sa pulis. Nagapadayon pa ang imbestigasyon sang kapulisan sa insidente. Ginahulat pa sang mga otoridad ang video nga kuha sang isa pa ka rider sang motorsiklo agud mahibaluan kun ano gid ang natabo. — with follow up reports of Aksyon Radyo Iloilo Trainee Jeyno Besana.

By Jo Gelloagan-Maque

Aksyon Radyo-Iloilo is located at Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply