4 balay, partially-damaged sang naglabay ang buhawi sa Dueñas, Iloilo
ILOILO — Apat ka balay ang nagkalaguba sa Brgy. Punong Grande, Dueñas kasunod sang naglabay ang buhawi.
Suno kay Police Master Sergeant Jerome Emplasta, imbestigador sang Dueñas Municipal Police Station, las-4:30 sang hapon naglabay ang buhawi kadungan sang mamunog nga ulan sa lugar.
Naguba ang atop sang balay nanday Evangeline Pabilona; Rodulfo Pabilona Jr.; Diane Pabilona kag Señorita Tabon nga human sa light materials.
Wala naglawig ang buhawi suno kay Emplasta.
Pwede pa makay-o ang mga balay kag maistaran bangud partially damaged lang ini.
Pasado las-5 na sang hapon sang nag-untat ang ulan sa lugar.