ILOILO CITY – Nagpasalig si Iloilo City Mayor Jerry Treñas nga buligan niya si Dr. Ludovico Jurao, infectious disease specialist sang Iloilo Doctor’s Hospital nga nag-report sa Department of Health nga gin-stroke siya kag nagka-blood clot, pila ka adlaw matapos nabakunahan sang COVID-19 vaccine.

Suno kay Treñas, “Immediately I will get a copy of his (Dr. Ludovico Jurao) letter and send it to [Health] Secretary [Francisco] Duque [III] and Usec [Leopoldo] Vega so that ma-aksyonan ‘na.”

Gin-ako sang alkalde nga sa subong wala pa gid siya sang tul-id nga ihibalo may kaangtanan sa reklamo ni Dr. Jurao pero nabatian niya nga na-stroke ini pila ka adlaw matapos ang vaccination pero wala siya nakahibalo nga may reklamo sa DOH.

Una na nga nagpautwas si Dr. Jurao nga wala sang aksyon nga ginhimo ang DOH 6 bisan gin-report na niya ini.

Luyag niya nga pa-imbestigaran ini agud mahibaluan kun may kaangtanan ang COVID-19 vaccine sa natabo sa iya.

Sa pihak sang natabo, padayon gihapon nga nagabulig si Dr. Jurao sa kampanya sa COVID-19 vaccination.

By Jo Gelloagan-Maque

Aksyon Radyo-Iloilo is located at Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply