ILOILO – Ma-id-id ang ginahimo nga proseso sa clinical trial sang COVID-19 vaccine.Suno ini kay Dr. Anjuli Jaen, isa sa mga principal investigators sang COVID-19 vaccines sa Iloilo.

Antes matublukan sang bakuna suno kay Jaen, gina-screen gid ang pasyete/subject agud masiguro nga wala siya nabakunahan sang iban nga COVID-19 vaccine, wala siya nakaagi nga na-infect sang COVID-19, wala sang HIV kag wala nagabusong (para sa mga babaye nga subjects).

Gin-ako ni Dr. Jaen nga kabahin ang pag-swab sa screening process sang isa ka bakuna.

Kun ma-swab, ginapapuli suno sa iya ang subject kag ipatawag lang kun negatibo ang resulta. Kun positibo naman, indi gid pwede mangin kabahin sang trial ang subject.

Gin-ako man ni Jaen nga may ginahatag nga P2,500 nga allowance sa subject sa screening pa lang. Kun makapasar sa screening, dugang nga tag-P2,500 ang ginahatag sa subject sa masunod nga mga session sang trial.

Sa Kangtai vaccine, P15,000 ang kabug-usan nga pwede makuha sang subject nga makapasar sa screening, samtang P10,000 sa Westvac vaccine. Ginahimo ang clinical trial sang Westvac kag Kangtai COVID-19 vaccines sa Leganes.

By Jo Gelloagan-Maque

Aksyon Radyo-Iloilo is located at Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply