Power rate sang ILECO II, may pagnubo sa masunod nga bulan — Zarraga SB Member Erwin Guadalupe
ILOILO — May pagnubo sa power rate sang Iloilo Electric Cooperative ukon ILECO II sa masunod nga bulan.Pero indi ini pareho sa power rate sang More Electric and Power Corporation, suno kay Zarraga SB Member Erwin Guadalupe kasunod sang meeting sang Sangguniang Bayan kaupod ang taga-ILECO II kahapon
.Suno kay SB Guadalupe, naghimo sang presentation si ILECO II General Manager Engr. Jose Redmund Eric Roquios kag nagpa-athag siya kun nga a mataas ang power rate sang ILECO II.
Suno sa iya, mas mataas ang sukot sang ila power suppliers gani mataas man ang ila power rate ikumparar sa MORE Power.
Dugang ni Guadalupe, nagpasalig ang ILECO II nga tinguhaan nila nga mapanubo ang ila power rate sa Oktubre.Una diri, ginpahayag ni Engr. Roquios nga mabalik lang sa normal rate nga P9 per kilowatt/hour ang power rate sang ILECO II kun magbalik sa normal ang presyo sa merkado.
Nagtambong man kahapon ang taga-MORE sa ginpatawag nga meeting kag nagpasalig nga i-mentiner nila ang ila presyo kun mangin power distributor sa Zarraga. — via Aksyon Night Patrol