Sec. Carlito Galvez, nagpasalig nga ginamedyosan ang problema sa kulang nga supply sang raw materials sang liquid oxygen –Iloilo Gov. Arthur Defensor Jr.
Nagpasalig si National Task Force Against COVID-19 chief implementer kag vaccine czar Sec. Carlito Galvez Jr. nga ginapangitaan sang paagi agud madugangan ang supply sang raw materials sang liquid oxygen sa Iloilo.
Suno kay Iloilo Gov. Arthur Defensor Jr., naka-istoryahanay na sila sang tiglikum kag nakasulat naman siya sa national Inter-Agency Task Force may kaangtanan sa problema.
May national committee suno sa gobernador nga gintukod sa NIATF agud nga magtutok sa problema sang oxygen supply.
“Siling ni Sec. Galvez nga ‘rest assured, right now we are talking to the big suppliers of raw materials of oxygen.’ Kag siling niya, ‘we will try to redirect oxygen from Cebu.’ Kay ang Cebu, naganubo subong ang ila COVID (cases) ikumparar sa aton. So makasarang sila magbulig sa aton,” suno kay Gov. Defensor. –via Aksyon Hotline