ILOILO CITY – Pabor ang Kabataan Partylist sa Western Visayas sa pag-aprubar sa pilot testing sang limited face-to-face classes.

Suno ini kay Kabataan Partylist Regional Coordinator Crimson Labinghisa.

“Actually support kami sini sa tikang sang national government kag DepEd nga buksan ang limited face-to-face classes. Pero dapat may ara kondisyon. Dapat gina-ensure nga nasunod ang minimum health protocols para sa safety kag health sang aton students… Dapat may ara dugang nga classroom kag facilities, bisan pilot testing pa lang, para ma-ensure nga may physical distancing sa gihapon,” suno kay Labinghisa.

Dugang ni Labinghisa, magluwas sa dugang nga facilities, dapat man siguruhon sang gobyerno nga may proteksyon ang mga estudyante, mga manunudlo kag iban pa nga personnel sang mga eskwelahan paagi sa pag-provide sang libre nga vitamins kag bulong, face mask, alcohol kag iban pa gid nga protective equipment. – via Aksyon Hotline