ILOILO – Mabudlay pa para sa mga local government units ang pagpatuman sang limited face-to-face classes.

Reaksyon ini ni League of Municipalities of the Philippines Iloilo Chapter President, San Enrique Mayor Trixie Fernandez, matapos gin-aprubahan sang national government ang pilot testing sang limited face-to-face classes.

Suno kay Fernandez, nakahibalo ang mga LGUs sang sitwasyon sa ground bangud sila ang nagahimo sang mga desisyon may kaangtanan sa COVID-19.

“Ang DepEd, with due respect to DepEd, they are not at the forefront of this fight. Kita sa LGU, ang mga health personnel ta, ang mga local chief executives, make decision everyday related to COVID –halin sa pag-abot sang mga returning residents, OFWs, ang management sang quarantine facilities naton, ang contact tracing…  Ang situation on the ground, ang mga locally chief executives naka-intiendi gid and DepEd doesn’t face this. Indi nila siguro ma-grasp ang sitwasyon naton and if there will be an outbreak caused by this face-to-face,” suno kay Mayor Fernandez.

Dugang sang alkalde, “Kun may outbreak [bangud sa face-to-face], ang DepEd, will [they] help us find hospitals for the patients? Will DepEd help us contact trace? The LGUs right now, overwhelmed na. Ayawan na kami pangita sang ospital sang mga pasyente namon nga naga-symptomatic, nga naga-severe. I hope they [DepEd] will reconsider this situation.”via Aksyon Hotline