Agud mas hapos nga ma-check ang vaccination status sang mga indibidwal nga nagaguwa sa ila nga balay, ginsuhestiyon ni DILG Undersecretary Martin Diño nga i-kulintas na lang ang mga vaccination card.

Ginrason ni Diño nga mas maayo ini agud nga indi na pagpangitaan pa sang pulis ukon sang taga-barangay sang vaccination card ang makit-an nila nga magguwa sa balay.

“Paano mo malalaman kung bakunado kung hindi nakasabit ang vaccination card? At paglabas mo ng bahay, hindi ka na maaabala ng pulis, ng barangay na tatanungin ka ‘nasa (nasaan) ang vaccination card mo?’” suno kay Diño.

Magluwas sa face shield kag face mask, dapat lakip man sa mga isuksok kun magguwa sa balay ang mga vaccination card dugang pa ni Diño.

Ginpahayag niya nga mapadala siya sang sulat sa IATF agud nga mapatuman ini sa kada barangay. — with reports from CNNph

By Jo Gelloagan-Maque

Aksyon Radyo-Iloilo is located at Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply