Ginmanduan ni Energy Regulatory Commission (ERC) Chairperson Agnes Devanadera ang Philippine Electricity Spot Market Corporation (PEMC) nga untaton ang pagpatong sa mga konsumedor sang nagkalain-lain nga distribution facilities sang dugang nga charges.

May kaangtanan ini sa naguba nga submarine cable sang National Grid Corporation of the Philippines (NGCP) nga naga-angut sa Cebu kag Negros.

Base ini sa sulat nga nabaton ni 2nd District of Iloilo Congressman Michael Gorriceta matapos ginpalab-ut ang concern sa ERC.

Ginapa-refund man sang ERC ang ginakolekta nga dugang nga balayran sang Hunyo tubtob Agosto subong nga tuig.

Nabutang man sa sulat ni Denavadera nga ginapasumiter niya si PEMC President Leonido Pulido III sang detailed report may kaangtanan sa ginakolekta nga balayran.

Ginpahayag naman ni Cong. Gorriceta nga wala pa naka-reply ang PEMC sa sulat sang ERC. — via BBB

By Jo Gelloagan-Maque

Aksyon Radyo-Iloilo is located at Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply