Indi na required ang pagsuksok sang face shield sa mga pampubliko nga lugar.

Ini ang gin-anunsyo ni Presidente Rodrigo Duterte sa iya Talk to the Nation kagab-i.

Suno kay Duterte, required na lang ang face shield sa 3Cs nga amo ang closed, crowded kag close contact areas kasubong sang ospital.

Ginhimo ini sang Pangulo kasunod sang rekomendasyon sang mga government experts.

Matandaan sang Hulyo, ginlimitahan lang sang Pangulo ang paggamit sang face shield kag ginmandu ang paggamit lang sini kun ang indibidwal yara sa ospital pero matapos ang pila ka adlaw ginbawi niya ini kag ginmanduan naman ang publiko nga magsuksok sang face shield sa indoor man ukon outdoor.

Ginpa-athag sadto sang Pangulo nga nahadlok siya sa pagdamo sang Delta variant sang COVID-19 rason ginmandu niya liwat ang paggamit sang face shield. — via PTV

By Jo Gelloagan-Maque

Aksyon Radyo-Iloilo is located at Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply