ILOILO CITY – Ma-isyu sang bag-o nga billing ang MORE Power Iloilo sa ginabanta 5,000 ka konsumedor nga una na nakabaton sang bill sa diin may nakabutang pa nga line rental fee.

Paathag ni MORE Power President & CEO Roel Castro, kahapon lang nila nabaton ang sulat sang Energy Regulatory Commission nga nagapauntat sukot sang additional charges may kaangtanan sa pagkaguba sang submarine cable sang National Grid Corp. of the Philippines nga naapektuhan sang dredging activity sang DPWH.

Ginahingyo ni Castro ang mga nakabaton sang billing sa nakaligad nga duha tubtob tatlo ka adlaw nga maghulat sang bag-o nga bill antes magbayad. May himuon man nga adjustment sa due date sang mga una na nakabaton sang bill, suno kay Castro.

Para naman sa mga wala pa ma-isyuhan sang bill, ma-reflect na suno kay Castro sa ila batunon nga bill ang mas manubo nga power rate.

“We will reissue ang billing statement doon sa 5,000 na nakatanggap na ng bill the last two to three days because we will effect the order wherein bababa na ang rate starting today [September 23]. For consumers na makakatanggap [pa lang] ng bill for this month, we will already reflect ‘yong billing na walang line rental,” suno kay Castro. –via Aksyon Hotline