Patay nga lapsag, nakita sang mga residente sa idalum sang pamalay sa Nabitasan, La Paz

La Paz, Iloilo- Patay na sang nakit-an sang mga residente sang Brgy. Nabitasan ang lapsag nga lalaki sa idalum sang pamalay nga naga-utaw-utaw sa tubig.

Suno kay alyas Paul-Paul, nakita niya ang lapsag sang nagapangita sila kuntani sang paon sa bunit.

Ginpabutyag niya nga sang una nila nakita, daw manikin ini pero sang ginpalapitan nila, natukiban nga lapsag.

Ginpakamaayo sang mga residente nga dal-on sa simbahan ang lapsag agud pamisahan.Wala pa mahibaluan kun sin-o ang nagbilin kag nagapanag-iya sang lapsag.

Posible nga ginhulog ukon ginhaboy ang lapsag suno kay Punong Barangay Barbara Aroza.