ILOILO — Nagreklamo sa Aksyon Radyo Iloilo si alyas Nonoy matapos ginpahayag nga ginsumbag sang pulis sa namatyan sa Barotac Viejo sang Setyembre 19.

Suno kay alyas Nonoy, nagabangka siya sa namatyan sang Lucky 9 sang nag-abot si Patrolman Recie Marquez kag nagtaya.

Ginpahayag ni Nonoy nga indi kontento si Patrolman Marquez sa iya gin-limit nga taya rason nga nangakig.

Ginhambalan siya sang pulis nga magtindog na lang rason nga ginkuha niya ang iya kwarta sa lamesa kag naghalin.

Ginsunod siya sang pulis kag ginsumbag pero wala pa suno sa iya nakontento kag ginpakastigo pa siya sa mga tawo sa palibot.

Ginkuha pa sang mga nagkatisgo sa iya ang P55,000 nga cash nga inugsweldo pa niya kuntani sa mga trabahador.

Nagreklamo na si Nonoy sa NAPOLCOM 6. Ginatinguhaan naman sang Aksyon Radyo Iloilo mapangayuan sang iya bahin ang ginreklamo nga pulis. — via AM Reports

By Jo Gelloagan-Maque

Aksyon Radyo-Iloilo is located at Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply