ILOILO CITY – Gin-ako ni Dr. Stephanie Abello, chief pathologist sa Western Visayas Medical Center, nga may numero sang mga nagapositibo sa COVID-19 sa rehiyon, ilabe na sa Iloilo City kag Iloilo province.

Suno kay Abello, “What is significant nga nanotisyaran namon subong nga bulan is nagnubo gid man ang nagapa-test na. That’s why, relatively, nagnubo man ang mga positive.”

Madamo suno sa iya sang factors kun ngaa nagadyutay ang mga nagapa-swab. Sa ila pagpangusisa, suno kay Dr. Abello, isa sa mga factors ang policy sang mga local government units nga wala na nagahimo sang COVID-19 testing kun wala man lang sang sintoma. “Bisan contacts, ginapa-quarantine na lang for 14 days. Kag wala naman sila nagapa-repeat test.”

Indi naman regular ang pag-swab, suno kay Abello, kag gina-schedule na lang sa subong ang paghimo sini.

Nagakabalaka lang si Abello sa mga naka-quarantine pero may mga sintomas bangud posible nga COVID-19 na ang ila nabatyagan kag wala lang nahibaluan bangud wala nagpa-test. Delikado ini, suno sa iya, bangud highly transmissible ang COVID-19 kag matapikan ang indibidwal nga mangin asymptomatic carrier.

Ang trend subong is that, ang mga vulnerable nga tawo nga na-contact mo –mga tigulang, may masakit– gagulpi na lang sila hapo. Sila ni ginapangdala sa mga ospital nga mga DOA [dead-on-arrival], or sa ER nga severe na ang syumptoms tapos they will turn out to be COVID positive. It’s best gid tani nga kun may sintoma ka sang COVID-19, ma-test ikaw para ma-contact trace kag ma-contain kag ma-monitor ang na-expose sa imo,” ang pahayag ni Dr. Abello. –via Aksyon Hotline