‘Maayo nga aligned kita’ –Iloilo Gov. Arthur Defensor Jr. sa iya pagsaylo sa Uswag Ilonggo regional party kag National Unity Party halin sa PDP-Laban

ILOILO – Ginkumpirmar ni Iloilo Gov. Arthur Defensor Jr. nga nagsaylo siya sa National Unity Party halin sa PDP-Laban.

Suno sa gobernador, miembro man siya sang Uswag Ilonggo nga regional party.

“It is good nga may ara kita local party wherein we can focus deliberately on the province of Iloilo kaupod sa iban man naton nga local government units diri sa Region 6,” suno sa gobernador.

Kaalyado man ang Uswag Ilonggo sa NUP, suno sa gobernador. “Maayo gid nga aligned kita… ang syudad kag probinsya sang Iloilo, isa lang kita so dapat we should pursue the development of the province of Iloilo and the city together.”

Gin-ako ni Defensor nga isa sa mga rason sang iya pagsaylo sang partido ang wala gihapon mahitsu nga isyu sa PDP-Laban sa tunga sang Pacquiao kag Cusi faction. –via Aksyon Hotline