ILOILO CITY — Wala pa gihapon ginapasugtan ang pagbyahe para sa leisure purposes sa Iloilo City halin sa Negros Island.

Ini base sa Executive Order No. 115, series of 2021 ni Iloilo City Mayor Jerry Treñas nga nagaplastar sang guidelines sa idalum sang General Community Quarantine (GCQ) with heightened restrictions.Sa EO sang alkalde, unhampered ang byahe sang mga goods kag cargoes pero dapat limitado lang tubtob tatlo ang nakasakay sa cargo vehicle lakip ang driver.

Ginapasugtan naman nga makasulod sa siyudad ang mga Authorized Persons Outside Residence ukon APORs.

Samtang sa mga non-APORs naman nga masulod sa siyudad, kinahanglan nga mag-comply sa S-Pass system, kag magpresentar sang negative RT-PCR test result nga tatlo ka adlaw ginkuha antes ang pagbyahe.

Dapat man nga magpresentar sang valid ID.

Napaidalum man sa GCQ with heightened restriction ang Bacolod City samtang GCQ naman ang Negros Occidental tubtob katapusan sang Oktubre.

By Jo Gelloagan-Maque

Aksyon Radyo-Iloilo is located at Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply