Isa patay kag duha ang pilason sang nabungguanay ang ambulansiya kag Calinog Bus Line (CBL) sa Barangay Malitbog, Tapaz, Capiz kahapon sang hapon, Oktubre 3.

Suno kay Police Corporal Ralph Eujie Reyes, imbestigador sang Tapaz Capiz Police Station, napatay sa ospital ang driver sang ambulansiya nga ginkilala kay Joemarie Gasis, 39-anyos las 10:00 kagab-i.

Pilason naman sanday Charlyn Distajo, 24-anyos kag alyas Toto, 12-anyos nga lunsay pasahero sang CBL.Napilasan sa ulo kag utod ang tiil sang driver sang ambulansiya samtang nakaagum naman sang minor injuries ang duha ka pasahero sang CBL pero gindala sa ospital bangud nagareklamo sang pagpalanakit sang ila lawas.

Nag-surrender naman ang driver sang CBL sa pulis nga ginkilala kay Jomary Gello, 35-anyos.Suno kay Reyes, ginlikawan sang driver sang CBL ang naga-park nga tricycle rason nagkabig ini pa wala rason nabungguan ang kasugata nga ambulansiya.

Ma-responder kuntani ang ambulansiya sa Barangay Malitbog bangud nakabaton sang impormasyon nga may nakuryente sa lugar.

Nabungguan man sang CBL ang balay sa binit sang karsada nga ginapanag-iyahan ni Florencio Pareño pero wala sang napilasan sa sulod sang balay. l via Aksyon Kikik Enar

By Jo Gelloagan-Maque

Aksyon Radyo-Iloilo is located at Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply