Call center agent, nagreklamo nga gintuyo himuslan sang tricycle driver sa Mandurriao
ILOILO CITY — Nagreklamo ang call center agent matapos ginpahayag gintuyo himuslan sang tricycle driver sa MegaWorld sa Mandurriao kagab-i, Oktubre 7.
Suno sa lola sang biktima, nagasakay sa tricycle ang iya apo pakadto sa iya duty sang nagdulog sa madulom nga area sang Megaworld ang tricyle driver kag nagpanaug dala butong sa babaye.
Ginpahayag sang lola nga ginpilit gid ang iya apo sang tricycle driver nga magkadto sa madulom nga parte sang Megaworld.
Nagbaisay pa ang duha tubtob nga nakit-an sila sang security guard sang Megaworld rason nga ginsaway.
Nagpalagyo ang driver pero ginbilin niya ang trisikol subong man ang iya trinelas. Nagpa-blotter sa Mandurriao Police Station ang tagreklamo. l via NightPatrol