ILOILO — Yara na sa advanced state of decomposition ang bangkay sang lalaki nga ginpahayag nga wala na sang ulo sang nasapwan sa Barangay Tahing, las-4 kahapon sang hapon, Oktubre 10.

Suno kay Capt. Dadjie Delima, hepe sang Calinog Police Station, ginpahibalo sila ni Punong Barangay Juanita Castro, nga may nasapwan nga bangkay sa ila lugar.

Ginpahayag sang kapitan suno kay Delima nga may nagapanimaho malapit sa lugar kun diin nasapwan ang bangkay kabangdanan nga natultulan ini.

Wala sang ginasuksok nga pag-ibabaw nga bayo ang bangkay kag naka-dilargo sang maong.

Ginabanta sa 40 tubtob 50 anyos ang lalaki dugang pa ni Delima. Padayon pa nga gina-identify sang kapulisan ang lalaki bangud wala man sang gin-report nga may na-missing sa lugar.

Wala man sang may naka-report sa police station nga may nadula sila nga himata suno pa kay Delima.

By Jo Gelloagan-Maque

Aksyon Radyo-Iloilo is located at Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply