ILOILO CITY — Patay ang negosyante nga si Hamza Pechon Kayani sang gintiro kag ginbuno sa Fort San Pedro, City Proper kagab-i, Oktubre 9.

May pilas sa ulo kag likod tuga sang pagkatiro kag may apat ka pilas sang pagkabuno sa likod si Kayani.

Gindala pa sa ospital si Kayani pero gindeklarar nga dead-on-arrival.

Tatlo tubtob lima ka lupok ang nabatian sang barangay tanod antes nasapwan nga duguon ang biktima.

May upod nga 13-anyos nga babaye kag 15-anyos nga lalaki ang biktima sang natabu ang krimen.

Sa panaysayon sang babaye, nagapahangin sila nga duha sang biktima sa guwa sang salakyan samtang yara naman sa sulod ang kaupod nga lalaki.

Ginpahayag sang babaye nga may nagdulog nga motorsiklo sakay ang duha ka lalaki kag gulpi lang gintiro kag ginbuno ang biktima. — via Aksyon Angel Mae Ciudad

By Jo Gelloagan-Maque

Aksyon Radyo-Iloilo is located at Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply