‘INDI KITA KADALI-DALI KAG KAPALAGPAT’ –PCPT Shella Mae Sangrines sa update sa pagpatay sa negosyante nga si Hamza Kayani

ILOILO CITY – Ginapadalman sang Police Station 1 ang motibo sa pagpatay sa negosyante nga si Hamza Kayani nga gintiro kag ginbuno sa Fort San Pedro sa City Proper sang Oktubre 9 sang gab-i.

Suno kay PCPT Shella Mae Sangrines, hepe sang Police Station 1, madamo nga anggulo ang ila ginsundan.

Gintumod ni Sangrines ang posible problema ni Kayani sa pamilya sa diin ginpa-blotter niya ang iya mga tiya. Naka-post man sa iya Facebook account si Kayani batuk sa iya mga tiya.

Pero sa pag-check ni Sangrines, madamo sang kaso si Kayani pareho sang grave threats, illegal possession of firearms and explosives, possession of prohibited drugs kag murder.

“Nagapangayo kita sang pasaylo nga in as much nga gusto sang ICPO Station 1 nga solbaron ini sa madali nga panahon, indi kita kadali-dali kag kapalagpat nga itudlo ta lang kun kay sin-o kay kadamo-damo gid sang ginasundan naton nga anggulo kag motibo… Nag-instruction na kita nga padalman sang aton mga imbestigador para mabal-an ta kun diin [sa mga anggulo] ang mas labing nagapangibabaw nga ginlagas gid siya, ginlab-ut, gintiro kag ginpatay,” suno kay PCPT Sangrines.

Nagahingyo naman sang bulig si Sangrines sa pamilya kag kakilala ni Kayani kag sa mga nakakita sa krimen nga magpakig-angut sa ila agud nga masolbar ang natabu. Nagpasalig ang hepe nga taguon ang identity sang mga makahatag sang dugang nga impormasyon sa krimen. –via Aksyon Hotline

About Post Author

AineGrace

ainegrace@aksyonradyoiloilo.com.ph

https://www.aksyonradyoiloilo.com.ph

Happy

0 0 %

Sad

0 0 %

Excited

0 0 %

Sleepy

0 0 %

Angry

0 0 %

Surprise

0 0 %