2 ka aspirant sa Pavia kag Balasan, nag-file sang COC bisan naka-quarantine
Iloilo—Nagpasa sang certificate of candidacy ang duha ka mga aspirant sa Balasan kag Pavia bisan naka-quarantine.
Suno kay COMELEC Iloilo Election Supervisor Elizabeth Doronila, nabaton sang staff sang COMELEC ang impormasyon nga nagapadayon ang quarantine sang aspirant nga taga-Balasan, pero nakagguwa pa kag nakapasa sang iya nga COC sang Oktubre 7.
Samtang, nagpa RT-PCR test naman ang aspirant sa Pavia kag wala pa nakagguwa ang resulta, pero personal siya nga nagsumiter sang iya COC sang Oktubre 5.
Wala ginhingadlan ni Doronila ang duha kag kun ano ang posisyon nga ila padalaganan.
Wala man sang may nabaton nga impormasyon ang COMELEC kun positibo sa COVID-19 ang mga natungdan.
Lantawon pa ni Doronila kun ano ang salabton sang mga aspirant kag kun ano ang matabo sa ila kandidatura.
Ginatawag sang COMELEC ang atensyon sang tagsa ka mga LGUs kun paano nakagguwa ang duha ka kag naka-file sang ila COC bisan naka-quarantine. — via Aksyon Brian Valle