ILOILO CITY – Nagdihon na sang petition letter ang mga transport groups sa syudad agud hingyuon ang saka sa pletehan.

Ginkumpirmar ini ni Iloilo City Loop Alliance of Jeepney Operators and Drivers Association (ICLAJODA) President Raymundo “Boyet” Parcon bangud “daw indi na gid ma-agwantahan” ang sunod-sunod nga saka sa presyo sang krudo.

Suno kay Parcon, daw wala ginasapak sang gobyerno ang ila panawagan nga kun pwede mapunggan ang pagpasaka sang presyo sang gatong bangud may pandemya pa kag apektado ang kita sang tanan.

Sa pagbantay ni Parcon, nagalab-ut na sa seis (6) pesos ang increase sa presyo sang gatong sa pito na ka sunod-sunod nga semana. –via Aksyon Hotline