‘Nagtinguha man nga makabulig sa ginikanan niya, kaso amo na naabtan niya’ – Camalongo, Calinog Punong Barangay Alex Hortada sa iya residente nga si CAA member Dwight Misinas nga gintiro patay sang ginapatihan NPA members
ILOILO – Ginakasubo ni Camalongo, Calinog Punong Barangay Alex Hortada ang natabu sa iya residente nga si CAFGU Auxiliary Unit member Dwight Mecenas nga napatay sang gintiro sang ginapatihan NPA members sa Brgy. Masaroy sa amo man nga banwa kahapon sang aga, Oktubre 13.
Suno kay Hortada, pigado lang ang pamilya ni Mecenas kag nagatinguha man kuntani ini nga makabulig sa iya ginikanan gani nga nangin miembro siya sang CAFGU Auxiliary Unit.
Sa pagkahibalo ni Hortada, handum kuntani ni Mecenas nga magsulod sa ulihi sa Army agud nga mas makabulig pa gid sa iya pamilya.
BACKGROUND
Ginsaysay ni Captain Kim Apitong, spokesperson sang 3rd Infantry Division sang Philippine Army, nga una sila nakabaton sang impormasyon halin sa concerned citizen nga may plano ang NPA nga sunugon ang mga equipment sa gina-construct nga road project sa lugar kag maghimo sang extortion activities gani ginpasangkad nila ang seguridad sa amo nga barangay.
Naga-conduct suno sa iya sang security operation ang mga soldado kaupod ang CAA members kag force multipliers sang ginpalukpan sang ginabanta lima ka ginapatihan nga NPA members.
Base sa impormasyon, naigo sa ulo si Mecenas. –via Aksyon Hotline