‘Iloilo City should really get as many vaccines, pero dapat the same man ang pace sang Iloilo Province’ – AAMBIS-OWA Partylist Rep. Sharon Garin sa ginahatag nga COVID-19 vaccines sang national government
ILOILO –Gin-athag ni AAMBIS-OWA Partylist Rep. Sharon Garin nga wala siya nahisa sa pag-commend ni testing czar Vince Dizon sa daily COVID-19 vaccination rollout sang Iloilo City kag pagbulig sang syudad sa vaccination efforts sang iban nga LGUs.
Nag-react si Garin sa pahayag ni Dizon nga yara sa liderado sang LGU ang pagka-agresibo sa pagpatuman sang vaccination program.
Suno kay Garin, kinahanglan gid man hatagan sang madamo nga bakuna ang Iloilo City bilang sentro sang ekonomiya sa rehiyon.
“But if Iloilo City is good, it doesn’t mean that the province is good because there’s a separate local government unit. Indi na pwede nga ihatag mo sa Iloilo City tapos amo na na ang for the province,” suno kay Garin.
Ginpabutyag sang kongresista nga dapat pareho lang ang pace sang probinsya kag syudad sa vaccination rollout, “so that the province and the city can go hand in hand and progress toward a better situation na.”
Ginpalab-ut na ni Garin kay NTF Against COVID-19 chief implementer Sec. Carlito Galvez kun pwede nga hatagan man sang dugang pa nga mga bakuna ang probinsya sang Iloilo. –via Aksyon Hotline