Libre Sakay sang gobyerno, ‘discriminatory’ suno kay ATOP Pres. Perfecto Yap
ILOILO CITY — Gintawag ni Association of Taxi Operators in Panay (ATOP) Pres. Perfecto Yap nga “discriminatory” ang libre sakay nga ginahimo sang gobyerno paagi sa Department of Transportation.
Ginkwestiyon niya kun ngaa sa mga modernized jeep lang ini ginahimo bangud tanan nga transport sector ang apektado man sang pandemya.
Ginkwestiyon niya man ang mga buses nga nagatanyag sang libre sakay nga nagasulod sa siyudad bisan nga wala man ini nalakip sa ila nga prangkisa.
Kun lantawon suno kay Yap, pwede man mapatuman ang libre sakay sa mga taxi ilabi pa nga kilometrahe ang ila ginabasehan sa pagbiyahe.
Paagi diri suno iya, makit-an gid ang distansiya nga ginabiyahe sang mga taxi.
Magluwas sa pagsaka sang presyo sang gatong, nagapabudlay man sa mga taxi drivers ang libre sakay sang gobyerno ilabi pa nga nagdiyutay na lang ang mga pasahero nga nagasakay sa ila bangud sang pandemya. — via Aksyon Night Patrol