17-anyos nga lalaki nga nadisgrasya sang nag-back flip sa Esplanade extension sa Diversion Road, Mandurriao, na-comatose sa ospital
ILOILO CITY — Na-comatose sa ospital ang 17-anyos nga si alyas Marko nga nadisgrasya sang nag-back flip sa Esplanade extension sa Diversion Road, Mandurriao mga las 6 kaina sang aga.
Suno sa abyan nga si alyas Christian, ginhambal sang attending physician sa Western Visayas Medical Center nga naapektuhan ang spinal column ni Marko.
Ginpahayag ni Christian nga naghagaray sila nga magkadto sa Esplanade agud maghimo kuntani sang video para sa ila “My Day” nga post sa Facebook kag mag-practice sang break dancing.
Maayo suno sa iya ang una tubtob ikatatlo nga attempt sa pag-back flip ni Marko apang sa ikaapat, nag-alang-alang ang iya pagtupa sa semento.
Suno pa sa abyan, wala gid nila ginalauman nga maaksidente si Marko bangud sagad siya sa break dancing. — via Aksyon Jorge Cabrera