Mga LGUs sa Iloilo province, may lain-lain nga paagi agud makumbinser ang mga residente nga magpasakop sa 3-Day National COVID-19 Vaccination Drive  

Iloilo – Nagpreparar ang nagakalain-lain nga local government units sa probinsya sang Iloilo sang mga estratehiya agud makumbinser ang mga residente nga magpabakuna batuk sa COVID-19, kadungan sang 3-day National Vaccination Drive sugod subong nga adlaw, Nobyembre 29, tubtob sa Disyembre 1, 2021.

Suno kay San Enrique Mayor Trixie Fernandez, presidente sang League of Municipalities of the Philippines Iloilo Chapter, may mga LGUs nga nagtanyag sang incentive sa mga mapabakuna.

“Ang kada banwa, may different activities. Each one has identified vaccination area. May iban nga lain-lain [ang vaccination sites] for each day… Damo ang approach and strategies sang kada banwa,” suno sa alkalde.

Suportado ang aktibidad sang tanan nga mayors sa probinsya, suno kay Mayor Fernandez. “Ang role sang mga mayors is to really support and intensify the vax in each municipality.” – via Aksyon Hotline