POLICE REPORT | Lalaki, napilasan sang ginhaboy sang botelya sa Smallville Complex, Mandurriao
ILOILO CITY — Napilasan sa ulo malapit sa kilay ang lalaki sang hinali nga ginhaboy sang botelya sang isa pa gid ka lalaki samtang nagalakat-lakat sa Smallville Complex sa San Rafael, Mandurriao kaina sang kaagahon.
Suno kay PMAJ Kenneth Jay Gratones, hepe sang Mandurriao Police Station, gindala nila sa police station ang napilasan kag ang nagpanghaboy sang botelya. Pero wala na nagpa-record bangud nag-istoryahanay na lang.
Wala sang may natabo nga commotion, suno kay Gratones, kag posible hinubog lang ang rason sa natabo.
Nagapang-edaron sang 25-anyos tubtob 30-anyos ang mga involved.
Ini ang una nga insidente sang kinagamo sa Smallville area sugod sang ginpasugtan ang pag-operate sang mga resto bars kag pag-inom sang makahulubog nga ilimnon sa siyudad. — via Aksyon Angel Mae Ciudad