Ginakabig nga ‘gabunan’ nga kawatan sa Iloilo City, nadakpan sa Capiz
Read Time:54 Second
ILOILO CITY — Nadakpan sa Sigma, Capiz ang ginakabig sang Police Station 1 sang Iloilo City Police Office (ICPO) nga gabunan nga kawatan sa siyudad kahapon, Enero 1.
Ginkilala ang arestado kay Jovel Jereso alyas “Tsanak” nga residente sang Tanza Timawa Zone 2, City Proper.
Suno kay Police Major Shella Mae Sangrines, hepe sang Police Station 1, una na nga gin-hold sang Sigma police ang lalaki bangud siya ang ginatudlo sang kabataan nga nagasugo sa ila nga magpangawat sa lugar.
Bangud sini, gindala siya sa police station, ginkuhaan sang litrato kag ginpadala sa iban nga mga intelligence unit kag nakita sang Iloilo City police.
Nagpadulong ang kapulisan halin sa Police Station 1 sa Sigma, Capiz agud arestuhon si Jereso. Si Jereso ang may pending nga kaso may kaangtanan sa illegal drugs kag amo man ang subject sa drug buy bust operation sa City Proper sang PDEA 6 sang Agosto 18, 2021 pero nakapalagyo.
Ginbuyagyag ni Sangrines pagkatapos nga nakapalagyo ang subject sang amo nga operasyon, nangin madamo na nga lugar ang iya ginkawatan. Preso siya subong sa Police Station 1.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0
More Stories
Ilonggo ginkilala nga Youngest Million Dollar Round Table Life member sa bilog nga Asya
Ginkilala sang Million Dollar Round Table (MDRT) nga pinakabata nga life member nila sa Asya ang Ilonggo nga si Neil...
Masobra P400K nga balor sang illegal drugs na-recover sa drug buy bust operation sa City Proper
ILOILO CITY -- Na-recover ang P476,000 nga balor sang illegal drugs sa gin-conduct nga drug buy operation sa Muelley Loney,...
P25 million nga balor sang suspected shabu na-recover sa drug bust operation sa Arevalo
ILOILO CITY -- Naglab-ut sa P2.5 million nga balor sang suspected shabu ang na-recover sang Regional Police Drug Enforcement Unit...
[WARNING: SENSITIVE] Traffic aide patay sa aksidente sa Muelle Loney
ILOILO CITY — Patay ang traffic aide sang Public Safety and Transportation Management Office (PSTMO) sang na-aksidente ang ginasakyan nga...
Aksyon Night Patrol | September 23, 2023
https://www.youtube.com/watch?v=QQQA0z63ZvY with Aksyon Marvin Malificiar
Average Rating