ADVISORY | Pagbakal sang paracetamol kag iban pa nga bulong sa trangkaso, ginlimitahan sang DOH kag DTI
MANILA – Nagpaguwa ang Department of Health (DOH) kag Department of Trade and Industry (DTI) sang memorandum circular nga naga-limit sa puwede mabakal kag mabaligya nga paracetamol kag iban nga over-the-counter nga bulong sa trangkaso.
Ini kasunod nga gin-report ang shortage sang nasambit nga bulong sa tunga sang pagdamo liwat sang kaso sang COVID-19.
Base sa Joint Memorandum Circular No. 22-01, ginamanduan sang DTI kag DOH ang mga retailers nga limitahan ang pagbaligya kag pagbakal sang paracetamol, phenylephrine hydrochloride, chlorphenamine maleate paracetamol kag carbocisteine.
Paracetamol:
• 60 tablets per household; 20 per individual
• 10 suspension per household; 5 per individual
Carbocisteine:
• 60 capsules per household; 20 per individual
Enero 10, 2022, ginpaguwa ang joint circular kag maga-epekto gilayon.