DESISYON 2022 | PRO6, naka-record sang 5 ka violators sa Comelec Gun Ban sa Western Visayas

ILOILO CITY — Lima na ang na-record sang Police Regional Office 6 nga naglapas sa COMELEC gun ban kag pagdumili sang pagdala sang mga deadly weapon sa Western Visayas.

Isa ang na-record sa Kabankalan, Negros Occidental nga nakuhaan sang 38 cal. revolver. May nadakpan man nga nagdala sang improvised 12 gauge shot gun sa Makato, Aklan; May nakuhaan man sang binangon sa Nabas, Aklan; Nakuhaan sang kutsilyo sa Molo, Iloilo City; kag may nakuhaan man sang 38 cal. revolver sa Cabatuan, Iloilo.

Ginpahanumdom ni PRO 6 Spokesperson Arnel Solis nga ginadumilian ang pagdala sang bisan replica sang pusil ukon sang makamamatay nga hinganiban samtang ginapatuman ang COMELEC gun ban.

Nag-umpisa ini sang Enero 9 kag magatakop sa Hunyo 8, 2022.