Iloilo City, naka-record sang 16 Omicron cases
ILOILO CITY – Gin-report sang Iloilo City Epidemiology and Surveillance Unit sang City Health Office (CESU-CHO) ang 16 ka kaso sang Omicron variant sa siyudad.
Na-inform na ang mga pasyente sang resulta nga nabaton sang CESU-CHO sang Enero 25 halin sa Philippine Genome Center.
Suno kay CESU head Dr. Marigold Calsas, sa 16 ka kaso, duha ang wala pa maka-recover nga gin-refer sa infectious disease specialists.
Samtang, ang 14 ka naka-recover ang ipadalum liwat sa swab test kag kun mag-negatibo ang resulta, indi na sila pag i-quarantine. Ginpanugyan naman sang ila mga personal doctors ang iban nga liwat na nagpa-swab kag mag-quarantine samtang nagahulat sang resulta.
Siyam sa 16 ka Omicron cases sa syudad ang may travel history sa Boracay sang holiday season.
Sa 16, anum ang naghalin sa La Paz; lima halin sa Mandurriao; tatlo sa Jaro; kag tag-isa Arevalo kag Molo.
13 sa 16 ang vaccinated, samtang tatlo ang unvaccinated nga yara naka-home quarantine. –via Iloilo City Government