Taytay nga naga-angut sang Bga. Bante, Zarraga kag Balabag, Dumangas, bukas sa mga motorista
ILOILO – Pwede gihapon maagihan ang taytay nga naga-angut sang Bga. Bante, Zarraga kag Balabag, Dumangas bisan nga natiphag ang duta sa idalum sang taytay.
Temporaryo ginsiraduhan ang taytay sang Huwebes Santo pero gilayon man nga ginbuksan sa trapiko matapos ang ginhimo nga assessment sang taga-DPWH 2nd District Engineering Office.
Natiphag ang duta bangud sa mabaskog nga daludo sang tubig kasunod sang Bagyo Agaton sang nagligad nga semana. –via Angel Mae Ciudad