Drivers sang duha ka motorsiklo, patay sang nagbungguanay sa San Rafael, Iloilo
ILOILO — Patay ang drivers sang duha ka motorsiklo nga nagbunggu-anay sa Brgy Calaigang, San Rafael la-1:45 kahapon sang kaagahon, June 2.
Ginkilala ang duha ka driver kanday Joel Silao, 35-anyos sang Brgy. Calaigang, San Rafael, kag Edziel Bayson, 19-anyos sang Alimodian.
Suno kay Police Corporal Roel Alarcon, imbestigador sang San Rafael Municipal police station, wala nagasiga ang headlights sang motorsiklo ni Silao kag cellphone lang ang iya gingamit nga suga rason nga nagbunggo sa kasugata nga motorsiklo nga ginamaneho ni Bayson.
Ginpahayag ni Alarcon nga lunsay wala sang suksok nga helmet ang duha ka driver sang natabo ang aksidente.
Gindala pa sa ospital ang duha ka driver pero gindeklarar nga dead-on-arrival bangud sang pilas sa ulo.
