Sen. Franklin Drilon, nagapasalamat sa mga Ilonggo nga nagsuporta sa 36 ka tuig niya nga pagpangalagad

ILOILO CITY – Gin-ulikid kag ginpasalamatan ni Sen. Franklin Drilon ang mga Ilonggo nga nagsuporta sa iya pagpangalagad.

Suno sa Ilonggo senador nga maga-retiro na sa pulitika, gin-updan siya sang mga Ilonggo sa 36 ka tuig niya nga pagserbisyo.

“Nagapasalamat ako sa aton mga kasimanwa nga sa sobra 30 anyos ara ako sa serbisyo, ginsuporta gid nila ako. Palangga ko ang mga Ilonggo kag kun ano ang mahimo naton bisan ako ara sa private sector na, handa ako magbulig sa aton mga kasimanwa,” ang pahayag ni Drilon.

Nagsugod sa public service si Drilon sang 1986 kag apat ka beses siya nga nangin Senate President sa 24 ka tuig niya nga pagpangalagad bilang senador. –via Aksyon Hotline