Bangkay sang lalaki, nasapwan sa baybayon sa Miagao, Iloilo

ILOILO — Nakilala na ang bangkay sang lalaki nga nasapwan sa kilid sang baybayon nga sakop sang Barangay Maringyan, Miag-ao kahapon sang aga, Hunyo 25.

Ginkilala ang nasapwan kay Villardo Nonesco, 48-anyos residente sang Oyungan, Miag-ao.

Suno kay Police Captain Marvin Buenavista, hepe sang Miagao Police Station, nag-request na ang pamilya ni Nonesco sa pagpa-autopsy sang bangkay agud mahibaluan gid ang ginkamatay niya.

Indi pa gid matumod sang Miagao Police kun ano gid natabo kay Nonesco.

Base sa initial nga imbestigasyon sang police wala sila sang may nakita nga pilas sa lawas magluwas lang sa dugo nga nakita siya iya dulunggan.

Ang Oyungan kaiping lang nga barangay sang Maringyan.