Lalaki nga nagamaneho sang motorsiklo, gintiro sang riding-in-tandem sa Hamtic, Antique; Mga suspek, nakapalagyo

ANTIQUE — Gintiro sang riding-in-tandem ang lalaki nga nagamaneho sang motorsiklo sa Brgy. Piapi 2, Hamtic, las-4 kahapon sang hapon, Hunyo 26.

Ginkilala ang biktima kay Claudio Hiponia Abellon, 56-anyos sang Brgy. Piapi 3, Hamtic, Antique.

Suno kay Police Captain Horizon Villanueva, hepe sang Hamtic Police Station, padayon ang hot pursuit operation sang kapulisan kag nagpakig-angut na sila sa iban pa nga mga police stations sa Antique bangud sa posible nga exit point sang mga suspek.

May pito ka igo sang bala si Abellon sa iya nga likod kag gindala pa sa ospital apang wala gid matabangan.

Na-recover sang mga otoridad sa crime scene ang 5 ka empty shells sang wala pa mahibaluan nga pusil.

Padayon ang imbestigasyon sang kapulisan sa pagpatay sang mga suspek sa biktima. | via Aksyon Jil Caceres