‘Sakay sa Jeep’ challenge sang Aksyon Radyo Iloilo, ginbaton ni Pavia SB member Pyt Trimañez

ILOILO — Ginabaton ni Pavia SB Member kag Transportation Committee Chairperson Pyt Trimañez ang panghangkat sang Aksyon Radyo Iloilo nga “Sakay sa Jeep” challenge.

Suno kay Trimañez, luyag niya mabatian ang mga sentimyento sang mga commuters kag makit-an ang aktuwal nga epekto sang ginpatuman nga Local Public Transport Route Plan (LPTRP) sang syudad.

Magahalin si Trimañez kaupod ang Aksyon Radyo News Team sa Brgy. Balabag, Pavia pakadto sa Iloilo Terminal Market.

Luyag man sang konsehal nga mabal-an ang mga eksperyensya sang mga drivers nga nagabiyahe halin Pavia pa-Christ the King.

Madamo man siya sang reklamo nga nabatian halin sa mga commuters nga wala nagadiretso sa Pavia People’s Terminal ang jeep nga may ruta Ungka – Iloilo City Proper via CPU bangud nagalikaw sila nga maguot sa traffic kabangdanan nga ang iban nga mga pasahero, nagalakat na lang padulong sa terminal sa Pavia. — via Aksyon Cedrick Anona