Iloilo City Councilor-elect Plaridel Nava, magapabilin nga ‘fiscalizer’ kag magabantay sang tanan nga hulag sa konseho
ILOILO CITY – Magapabilin nga oposisyon si Councilor-elect Plaridel Nava.
Pag-athag ini ni Nava bisan nag-upod siya sa oathtaking sang mga elected officials sa Iloilo City kahapon, kag pag-approach niya sa kanday Mayor Jerry Treñas, Congresswoman Julienne “Jamjam” Baronda kag iban pa nga ‘nakatilaw’ sang iya mga kritisismo antes ang May 9 elections.
“It boils down to civility. It boils down to the fact that we are all given mandate by the people. Kun ano man ang ginpakita naton nga pag-approach sa ila, there’s nothing significant in that,” suno kay Nava.
Ginpahayag pa ni Nava nga nakita niya nga gusto na sang mga pumuluyo sang matawhay nga panghimanwa gani siya na ang nagpalapit sa mga ginpakamalaut niya sang una.
Pero gin-athag man ni Nava nga mangin ‘fiscalizer’ gihapon siya sa Konseho. “I will continue to be an active member sang opposition, to scrutinize sang tanan nga hulag dira.” –via Aksyon Hotline